Пра гэта напісала ў сваім Фэйсбуку яго жонка Надзея Зелянкова:
«Сашу працягнулі варту да 27 жніўня, праверку ў кампаніі працягнулі да 18 кастрычніка. Вам паведамленьне ад яго.
Душнае, сьпякотнае і гарачае прывітаньне. Тут мала што ведаеш і разумееш, але ведаю дакладна, што сяброў у мяне і добрых людзей вакол значна больш, чым я думаў і мог чакаць.
Усім вялікі дзякуй. Я вас вельмі люблю і цаню. Гэта прыносіць цяпло ў маё сэрца, хоць у СІЗА і так горача))) ».
Аляксандар Васілевіч — дырэктар групы рэклямных агенцтваў, саўладальнік менскай «Галерэі Ў», выдавец онлайн-часопіса The Village — Беларусь. Яго затрымалі ў Менску ў жніўні 2020 году.
