Як гаворыцца на сайце Генэральнай пракуратуры, у судзе вырашалася пытаньне аб ужываньні да мужчыны «прымусовых мер бясьпекі і лячэньня».
Паводле сьледзтва, 3 сакавіка на плошчы Незалежнасьці, «выказваючы відавочную непавагу да грамадзтва», грамадзянін Б. малатком разьбіў шыбу ўваходных дзьвярэй у Доме ўраду, будынак якога ўнесены ў сьпіс гісторыка-культурных каштоўнасьцяў.
Згодна з заключэньнем судовай псыхоляга-псыхіятрычнай экспэртызы, мужчына пакутуе ад псыхічнага разладу, які пазбаўляе яго магчымасьці кіраваць сваімі дзеяньнямі, што ўяўляе грамадзкую небясьпеку.
Суд Маскоўскага раёну Менску прызначыў яму прымусовае лячэньне ў псыхіятрычным стацыянары. Пастанова набыла законную моц.
