Ахоўнікі офіснага цэнтру на праспэкце Дзяржынскага ў Менску, дзе знаходзіцца рэдакцыя Tut.by, сказалі журналісту выданьня, што допуск у офіс закрыты праз распараджэньне сьледчых органаў.
Відэа з камэр, усталяваных на 8 і 9 паверхах, дзе знаходзіцца офіс, на маніторах не адлюстроўваецца.
Але і супрацоўнікаў сілавых ведамстваў унутры няма.
18 траўня быў «чорным днём» у гісторыі Tut.by. Сілавікі прыйшлі і ў цэнтральны, і ў рэгіянальныя офісы кампаніі Tut.bу, а таксама ў афіляваныя зь ёй Hoster.by і av.by. Ператрусы правялі таксама і ў кватэрах журналістаў. Многіх супрацоўнікаў затрымалі. Завялі крымінальную справу. Сайт Tut.by заблякавалі.
