Затрыманьне 42-гадовай Ірыны Бянькоўскай 25 сакавіка трапіла на відэа відавочцаў: яна проста ішла па вуліцы адна, калі да яе пад'ехаў мікрааўтобус, адкуль выскачылі двое сілавікоў і затрымалі яе, паведамляюць праваабаронцы.
Пасьля затрыманьня Ірыну Бянькоўскую даставілі ў Кастрычніцкі РУУС і склалі пратакол па арт. 24.23 КаАП за пікетаваньне, а пазьней адпусьцілі дадому.
12 красавіка Бянькоўская прыйшла ў суд па позьве, дзе яе справу разгледзела судзьдзя Вольга Няборская. На судзе дапыталі і сьведку-міліцыянта, які пераконваў, што «Бянькоўская ўзяла ўдзел у мітынгу, знаходзячыся ў групе людзей і выказвала сваё стаўленьне да дзейнай улады».
У выніку, выслухаўшы Бянькоўскую, судзьдзя Няборская прызнала жанчыну вінаватай і прысудзіла ёй 2610 рублёў штрафу (90 базавых).
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў