Пра гэта паведамляецца на сайце аўкцыённага дома Christieʼs. Першапачаткова пэйзаж ацэньваўся ў суму да 3 мільёнаў даляраў. Імя пакупніка не паведамляецца.
«Мінарэт мячэці Аль-Кутубія» — адзіная з больш як 500 карцін Чэрчыля, якую брытанскі палітык напісаў падчас Другой сусьветнай вайны. Гэта адбылося пасьля сустрэчы з саюзьнікамі па антыгітлераўскай кааліцыі ў студзені 1943 году ў Касаблянцы, у Марока. Тады Чэрчыль пераканаў прэзыдэнта ЗША Франкліна Рузвэльта паехаць зь ім у суседні Маракеш, каб палюбавацца захадам сонца, які ён потым увасобіў у жывапісным творы. Пэйзаж Чэрчыль падараваў Рузвэльту.
У 1960-х гадах сын Рузвэльта прадаў карціну, а пасьля яна больш за пяць дзесяцігодзьдзяў захоўвалася ў шафе ў Новым Арлеане, пакуль нехта з саўладальнікаў ня выйшаў на галерэю Біла Раў.
У 2011 годзе карціну ў Раў выкупіў актор Брэд Піт і падараваў Анджэліне Джалі. Піт і Джалі разьвяліся ў 2016 годзе. Сама Джалі не патлумачыла прычыну продажу карціны.
