Лінкі ўнівэрсальнага доступу

Вольга Кавалькова падала заяўку на адзінага кандыдата ў прэзыдэнты ад апазыцыі


Сустаршыня БХД Вольга Кавалькова

Сустаршыня аргкамітэта па стварэньні партыі «Беларуская хрысьціянская дэмакратыя» (БХД) Вольга Кавалькова падала заяўку на ўдзел у праймэрыз па абраньні адзінага кандыдата ад апазыцыі.

Пра гэта яна паведаміла ў сваім Фэйсбуку


Вольга сабрала 231 подпіс і зрабіла ўнёсак у эквіваленце 500 эўра. Дакумэнты ў яе прыняў Ігар Барысаў.

Кавалькова стала чацьвёртым афіцыйным кандыдатам на «адзінага». Раней заяўкі падалі сустаршыня БХД Павал Севярынец, кіраўнік Руху «За Свабоду» Юрась Губарэвіч і лідэр АГП Мікалай Казлоў. Аб сваім намеры ўдзельнічаць у праймэрыз таксама заявіла экс-дэпутат Ганна Канапацкая.

Прыём заявак на ўдзел у праймэрыз заканчваецца ўвечары 16 лютага. Канчатковы сьпіс прэтэндэнтаў абвесьцяць 4 сакавіка.

Згодна з правіламі ўдзелу ў праймерыз, кожны прэтэндэнт павінен выступаць за:

• незалежнасьць Беларусі і супраць дыктатуры;

• абарону сацыяльных і эканамічных правоў грамадзянаў;

• выхад з АДКБ і дамовы аб Саюзнай дзяржаве;

• разьвіцьцё беларускай мовы і культуры;

• сьвецкасьць дзяржавы — павінен паважаць правы вернікаў і не выступаць з заявамі, «якія супярэчаць традыцыйным поглядам на сям’ю і грамадзтва».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG