Лінкі ўнівэрсальнага доступу

Заваратнюк, «Гульня тронаў», «Эўравізія». Google расказаў, што беларусы шукалі ў інтэрнэце ў 2019 годзе


Ілюстрацыйнае фота

У кампаніі Google прааналізавалі пошукавыя запыты беларусаў за 2019 год і склалі рэйтынг найбольш папулярных.

10 найбольш папулярных пошукавых запытаў беларусаў:

  1. Юлія Началава — сьпявачка, акторка і тэлевядоўца, якая памерла ў сакавіку 2019 году ва ўзросьце 39 гадоў.
  2. Анастасія Заваратнюк — акторка, якая цяпер хварэе на рак мозгу (у СМІ зьяўляецца шмат чутак вакол яе здароўя).
  3. «Гульня тронаў. 8 сэзон» (амэрыканскі сэрыял).
  4. Эўравізія-2019 (музычны конкурс).
  5. Зяленскі (цяперашні прэзыдэнт Украіны).
  6. Дэцл (расейскі рэпэр, які памёр сёлета).
  7. Перапіс бел (у сувязі зь перапісам насельніцтва ў Беларусі 2019 году).
  8. «ІП Пірагова» (расейскі сэрыял).
  9. Чарнобыль (сёлета выйшаў амэрыкана-брытанскі сэрыял, прысьвечаны трагедыі на Чарнобыльскай АЭС).
  10. Эўрапейскія гульні (праходзілі ў Беларусі з 21 па 30 чэрвеня 2019 году).

У катэгорыі «Пэрсона году» у топ-10 увайшлі, акрамя згаданых у топе пошукавых запытаў Юліі Началавай, Анастасіі Заваратнюк, Уладзіміра Зяленскага і Дэцла, расейская бізнэс-лэдзі, віцэ-прэзыдэнт кампаніі Mercury Ала Вэрбер, якая памерла сёлета; беларускі сьпявак Ціма Беларускіх; расейскі музыка, прадусар гурту «На-на» Бары Алібасаў у сувязі з фальшывай навіной пра ягоную сьмерць; беларуская тэнісістка Арына Сабаленка; амэрыканская сьпявачка Білі Айліш (Billie Eilish), дэбютны альбом якой быў найбольш папулярным ва ўсясьветных рэйтынгах Spotify і Apple Music, а таксама беларускага сэгмэнту «Яндекс.Музыки»; і расейская акторка Ірына Цывіна, якая памерла ў красавіку.

Топ-10 найбольш папулярных сэрыялаў у беларусаў: «Гульня тронаў», «ІП Пірагова», «Чарнобыль», «Мамы чэмпіёнаў», «Нішто не здараецца двойчы», «Гранд Ліён», «Султан майго сэрца», «Івановы Івановы», «Мыладрама», «Жукі».

Топ-10 фільмаў: «Мсьціўцы.Фінал», «Джокер», «Аднойчы ў Галівудзе», «Паліцэйскі з Рублёўкі. Навагодняе бясчынства», «Яно-2», «Кароль Леў», «Капітан Марвэл», «Як прыручыць дракона – 3», «Зялёная кніга», «Аквамэн».

Найбольш папулярныя тэлешоў: «Эўравізія-2019», «Плян Б», «Бітва экстрасэнсаў 20 сэзон», «Оскар-2019», «Форт Баярд», «Славянскі базар – 2019», «Пацанкі. 4 сэзон», «Цяжарная ў 16», «Хто супраць», «Барадзіна супраць Бузавай».

У топ-10 рэчаў, якія хацелі купіць беларусы ў 2019 годзе:

  1. Вэнтылятар.
  2. Аўта ў Нямеччыне.
  3. Кандыцыянэр.
  4. Ровар.
  5. Электрасамакат.
  6. Басэйн.
  7. Квіткі на Эўрапейскія гульні.
  8. Кампутар.
  9. Батут.
  10. Цяпліцу.

Сьпісы складзены з улікам пошукавых запытаў, па якіх адзначаны самы вялікі рост трафіку ў 2019 годзе ў параўнаньні зь мінулым годам.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG