У цэнтры Бухарэста 10 жніўня дзясяткі тысяч чалавек прынялі ўдзел у акцыі пратэсту, патрабуючы адстаўкі ўраду, сфармаванага Сацыял-дэмакратычнай партыяй. Дэманстранты скандавалі лёзунгі «Адстаўка!» і «Злодзеі!».
Як паведамляе румынскае агенцтва навінаў Agerpres, у акцыі прынялі ўдзел каля 24 тысяч чалавек. Дзейны румынскі ўрад даўно крытыкуюць і абвінавачваюць у карупцыі і пагардзе інтарэсамі насельніцтва краіны.
Пратэсты таксама прайшлі і ў іншых гарадах Румыніі.
Дэманстрацыя ў Бухарэсьце адбылася ў гадавіну падзеяў 10 жніўня 2018 году, калі на вуліцы сталіцы Румыніі выйшлі каля 800 тысяч чалавек. Тады паліцыя ўжыла супраць дэманстрантаў вадамёты і сьлезацечны газ, пацярпелі каля 450 удзельнікаў акцыі.
Вулічныя акцыі пратэсту ў Румыніі пачаліся ў студзені 2017 году пасьля апублікаваньня урадам дэкрэту аб дэкрыміналізацыі шэрагу карупцыйных злачынстваў. На вуліцы Бухарэста і іншых гарадоў штодня выходзілі сотні тысяч чалавек.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў