У Чорным моры знаходзіцца амаль удвая больш сьмецьця, чым у Міжземным, гаворыцца ў паведамленьні дэлегацыі Эўрапейскага зьвязу ва Ўкраіне.
На падставе дасьледаваньняў, праведзеных з 2017 году ў прыбярэжных водах Грузіі, Украіны, Расеі і ў адкрытым моры, ЭЗ заяўляе, што 83 адсоткі марскога сьмецьця складае плястык, «а менавіта бутэлькі, абгорткі ад цукерак і пакеты».
Вялікія рэкі Ўкраіны нясуць у мора ад 6 да 50 адзінак сьмецьця за гадзіну.
Такім чынам, у Чорным моры ёсьць 90,5 прадмета сьмецьця на квадратны кілямэтар. Для параўнаньня, у Міжземным моры іх 50.
Акрамя таго, у дасьледаваньнях Чорнага мора паказана, што «канцэнтрацыя некаторых забруджвальных рэчываў перавышае парогавае значэньне».
Некаторыя знойдзеныя хімічныя рэчывы небясьпечныя для марскога жыцьця і жыцьця чалавека.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў