Лінкі ўнівэрсальнага доступу

Выкрадзенага супрацоўніка ДАІ знайшлі мёртвым

абноўлена

Міліцыя на вуліцах

Загінуў лейтэнант 1996 году нараджэньня.

Увечары 16 траўня ў Магілёўскай вобласьці міліцыю паднялі па трывозе, у рэгіёне ўвялі ў дзеяньне плян «Сырэна», на дарогах па ўсёй Беларусі выставілі блёкпасты, бо быў выкрадзены супрацоўнік ДАІ.

У аддзеле апэратыўна-дзяжурнай службы УУС Магілёўскага аблвыканкаму Радыё Свабода двойчы казалі, што гэтай інфармацыі «пакуль не пацьвердзілі», а потым перасталі адказваць на тэлефанаваньні.

Пазьней Tut.by паведаміў са спасылкай на неназваныя крыніцы, што выкрадзенага афіцэра знайшлі мёртвым.​ Яшчэ пазьней гэтую інфармацыю пацьвердзіла дзяржаўнае тэлебачаньне. Афіцыйная прадстаўніца Міністэрства ўнутраных справаў Вольга Чамаданава ў эфіры праграмы «Панарама» на тэлеканале «Беларусь 1» сказала, што загінуў лейтэнант 1996 году нараджэньня.

У Тэлеграм-канале Сьледчага камітэту паведамілі, што пачалі крымінальную справу па артыкуле 362 (Забойства супрацоўніка органаў унутраных спраў у сувязі з выкананьнем ім абавязкаў па ахове грамадзкага парадку) і што справа знаходзіцца «на асабістым кантролі» старшыні СК Івана Наскевіча. Сьледчыя, міліцыя і экспэрты працуюць на месцы здарэньня.

Месца, дзе знайшлі забітага афіцэра ДАІ
пачакайце

No media source currently available

0:00 0:00:04 0:00

​Зьявіўся і запіс у твітэры Міністэрства ўнутраных спраў:

Што вядома?

  • Выкралі лейтэнанта дарожна-патрульнай службы ДАІ. Меркавана, супрацоўнік ДАІ адзін выехаў на выклік у магілёўскі мікрараён Чапаеўка і быў захоплены.
  • Паводле інфармацыі, якую а 20-й гадзіне разаслалі ўсім пастам і супрацоўнікам міліцыі, афіцэра зьвезьлі на легкавым аўтамабілі ГАЗ («Волга») чорнага колеру з танаванымі вокнамі і расейскімі рэгістрацыйнымі нумарамі.
  • Нумары 67-ы ці 69-ы рэгіён Расеі, піша Tut.by.

Тэлеграм-канал NEXTA паведаміў, што зь перамоваў міліцыі вынікае — «Волгу» затрымалі ў Гомлі.

Афіцыйны прадстаўнік Сьледчага камітэту Сяргей Кабаковіч каля 23 гадзіны паводле менскага часу сказаў Радыё Свабода, што пакуль не валодае інфармацыяй пра тое, ці затрымалі падазраваных.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG