Лінкі ўнівэрсальнага доступу

Ужо сёньня:430 гадоў таму пачаў дзейнічаць Трэці Статут ВКЛ


Статут ВКЛ у Музэі беларускага кнігадрукаваньня ў Полацку

Падзеі 17 кастрычніка ў беларускай і сусьветнай гісторыі.

Дата дня

17 кастрычніка 1588 году пачаў дзейнічаць Статут Вялікага Княства Літоўскага. Часам гісторыкі называюць яго першай эўрапейскай канстытуцыяй. Гэты кодэкс права на працягу 250 гадоў быў дзейным законам на тэрыторыі Беларусі, Літвы і Ўкраіны і складаў аснову ўсёй прававой сыстэмы Вялікага Княства.

Таксама ў гэты дзень

1448 — туркі разьбілі вугорскія войскі ў другой бітве на Косавым полі

1483 — папа рымскі Сыкст IV стварае гішпанскую інквізыцыю з мэтай выгнаньня з Гішпаніі арабаў ды габрэяў.

1831 — Майкл Фарадэй адкрыў зьяву электрамагнітнай індукцыі.

1869 — па заданьні газэты «Нью-Ёрк Геральд» Генры Стэнлі адправіўся шукаць экспэдыцыю Дэвіда Лівінгстона, які зьнік у Афрыцы

1905 — Мікалай II падпісаў Маніфэст аб дараваньні лібэральных свабод і наданьні Дзяржаўнай Думе заканадаўчых паўнамоцтваў.

1918 — Вугоршчына абвясьціла незалежнасьць ад Аўстрыі.

1924 — у Пінску заснавалі Музэй Беларускага Палесься.

1933 — Альбэрт Эйнштэйн прыехаў у Нью-Ёрк як бежанец з нацысцкай Нямеччыны.

1959 — паўднёваафрыканская кампанія «Дэ Бірс» абвясьціла пра выраб першых штучных алмазаў.

1961 — адкрыўся XXII зьезд КПСС абвясьцілі задачу пабудовы камуністычнага грамадзтва да 1980 году. Таксама зьезд прыняў рашэньне аб вынасе цела Сталіна з маўзалею.

1961 — у нью-ёрскім Музэі сучаснага мастацтва была выстаўлена карціна Анры Матыса «Човен». Толькі 3 сьнежня нехта зьвярнуў увагу на тое, што карціна вісіць нагамі ўгору.

1962 — гурт The Beatles упершыню выступіў на брытанскім телебачаньні.

The Beatles
The Beatles

1964 — ў Беларусі было адкрытае першае прамысловае радовішча нафты. Вучоныя кажуць, што калі б Беларусь цалкам жыла толькі за кошт свае нафты, дык выбрала б увесь запас за 30 гадоў.

1967 — у Нью-Ёрку адбылася прэм’ера мюзікла «Валасы».

1968 — пачаўся паэтапны вывад союзных войскаў з тэрыторыі Чэхаславакіі.

1988 — у Лёндане ўпершыню выканалі 10-я сымфонію Людвіга ван Бэтховэна, якую доўгі час не маглі знайсьці. Яна была адрэстаўравана ангельскім дасьледчыкам Бары Купэрам на падставе знойдзеных у Бэрліне папераў вялікага кампазытара.

1990 — адбылася прэм’ера спэктаклю «Тутэйшыя» ў Купалаўскім тэатры.

У гэты дзень нарадзіліся

1696 — Аўгуст III, вялікі князь літоўскі і кароль польскі. Аўгуст III ня меў сваіх палітычных канцэпцыяў, і таму кіравалі яго фаварыты. Цэнтральная ўлада амаль ня дзейнічала, а мясцовыя ўлады ў паветах праводзілі сваю самастойную палітыку.​

1785 — Тадэвуш Валянскі, польскi гісторык і археоляг.

1865 — Люцыян Жалігоўскі, генэрал, дзяржаўны і ваенны дзеяч Сярэдняй Літвы і Польшчы.

1900 — Ібрагім Гембіцкі, беларускі графік.

У памяці

1849 — Фрэдэрык Шапэн, польскі кампазытар і піяніст.

1976 — Радаслаў Астроўскі, беларускі грамадзкі і палітычны дзяяч, дырэктар Віленскай беларускай гімназіі, прэзыдэнт Беларускай Цэнтральнай Рады.

Радаслаў Астроўскі
Радаслаў Астроўскі

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG