Мільёны матылёў-падзёнак наляцелі на Віцебск. Відэа

У Віцебску на Кіраўскім мосьце ў ноч з 21 на 22 ліпеня можна было назіраць мільёны матылёў, якія ляцелі на ліхтары. Гэтая жамяра называецца падзёнкі (мясцовая назва — мітуліца). Яны знаходзяцца ў фазе лічынак па 2-3 гады, а пасьля адначасова пераўтвараюцца ў матылёў. У 2010 годзе масавы лёт падзёнкі быў 1 жніўня, у 2013 годзе - 29 ліпеня, а ў 2017 — 17 жніўня. Сёлета яны зьявіліся вельмі рана і стварылі незвычайнае відовішча: цэлая хмара жамяры над Кіраўскім мостам.