Лінкі ўнівэрсальнага доступу

Нямецкія СМІ: расейскія футбалісты ўжывалі допінг


Нямецкія выданьні Bild і Süddeutsche Zeitung абвінавацілі зборную Расеі ў выкарыстаньні допінгу на Чэмпіянаце сьвету па футболе.

Яны заявілі, што перад кожнай гульнёй расейскія футбалісты ўдыхалі танізуючае рэчыва, якое дапамагала ім атрымліваць фізычную перавагу над супернікамі.

У якасьці доказу журналісты апублікавалі фота расейскіх гульцоў, якія затуляюць насы далоньню. Здымкі былі зробленыя ў падтрыбунных памяшканьнях. Як сьцьвярджаюць выданьні, расейскія спартоўцы ўдыхалі аміяк, які дапамагае стымуляваць дыханьне і паляпшае рух кіслароду ў крыві.

Журналісты пры гэтым прызнаюць, што аміяк не зьяўляецца забароненым рэчывам.

Пазьней у Süddeutsche Zeitung зьявіўся камэнтар прадстаўніка расейскай каманды, які пацьвердзіў факт выкарыстаньня аміяку перад матчам з Гішпаніяй.

Лекар зборнай Расіі Эдуард Бязвуглаў пракамэнтаваў сайту championat.com матэрыял нямецкіх журналістаў:

«Гаворка ідзе пра звычайны нашатырны сьпірт, які выкарыстоўваецца ў сусьветным спорце шмат гадоў самымі рознымі краінамі».

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG