Падзеі 22 чэрвеня ў беларускай і сусьветнай гісторыі.
Дата дня
22 чэрвеня 2003 году памёр Васіль Быкаў, народны пісьменьнік Беларусі. Пахаваны на Ўсходніх могілках у Менску.
Таксама ў гэты дзень
1919 — у Горадні выйшла газэта «Родны край», газэта была забаронена на 6-м нумары.
1941 — на беларускія землі ўвайшлі войскі фашыстоўскай Нямеччыны.
1943 — заснавана моладзевая патрыятычная арганізацыя — Саюз Беларускай Моладзі. СБМ дзейнічаў у Беларусі да ліпеня 1944 году.
1950 — у Маладзечне адбыўся суд над удзельнікамі мядзельска-смаргонскага вучнёўскага антысавецкага падпольля. Большасьць удзельнікаў асуджана да 25 гадоў савецкіх канцлягераў, а кіраўнік групы Расьціслаў Лапіцкі — да расстрэлу. Валер Мазынскі зьняў дакумэнтальны фільм пра Расьціслава Лапіцкага.
У гэты дзень нарадзіліся
1883 — Аляксандр Цьвікевіч, палітычны дзяяч, гісторык, філёзаф, публіцыст.
1896 — Браніслаў Туронак, грамадзкі дзяяч і публіцыст.
1926 — польскі пісьменьнік і кінэматаграфіст Тадэвуш Канвіцкі.
1960 — Сяргей Кушняроў, амэрыканскі мультыплікатар беларускага паходжаньня.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў