Як паведамляе прэс-служба памежнага камітэту, на месцы былі затрыманыя меркаваны арганізатар — 33-гадовы грамадзянін Азэрбайджана, двое перавозчыкаў — грамадзян Беларусі, і двое правадыроў, выхадцаў з Чачні. Усе яны перавозілі па тэрыторыі Беларусі да мяжы Эўразьвязу 11 мігрантаў з Віетнама. У апошніх пры сабе не было дакумэнтаў.
У дачыненьні да арганізатара, памагатых і правадыроў узбуджана крымінальная справа па ч.2 арт. 371-1 Крымінальнага кодэкса Рэспублікі Беларусь (арганізацыя незаконнай міграцыі групай асоб па папярэдняй змове).
Пачаты адміністратыўны працэс і ў дачыненьні да нелегальных мігрантаў зь Віетнама — за незаконнае перасячэньне дзяржаўнай мяжы і правілаў знаходжаньня на беларускай тэрыторыі.