Лінкі ўнівэрсальнага доступу

У Малайзіі ўвялі крымінальную адказнасьць за фэйкавыя навіны: да 6 гадоў турмы


Надпіс на плякаце ў сталіцы Малайзіі, Куала Лумпур: «Калі ты дзелісься хлусьнёй, ты робісься хлусам»

У Малайзіі ўвялі новы закон, які прадугледжвае адказнасьць за распаўсюд фэйкавых навін. Максымальнае пакараньне — да 128 тысяч даляраў штрафу і шэсьць гадоў турмы.

Новы закон, які крытыкі абвінавачваюць у парушэньні прынцыпаў свабоды слова, будзе распаўсюджвацца на электронныя выданьні і сацыяльныя мэдыі, якія распаўсюджваюць «навіны, інфармацыю, дадзеныя і зьвесткі, якія зьяўляюцца часткова або цалкам ілжывымі».

Пры гэтым закон распаўсюджваецца на парушальнікаў і па-за межамі Малайзіі, калі фэйкі тычацца грамадзяніна краіны.

Ва ўрадзе кажуць, што закон не паставіць пад пагрозу свабоду слова ў краіне, бо разглядам спраў па ім будзе займацца асобны незалежны суд.

«Гэты закон накіраваны на абарону грамадзтва ад распаўсюду фальшывых навін, пры захаваньні свабоды слова, у адпаведнасьці з канстытуцыяй», — цытуе Reuters міністра юстыцыі Малайзіі Азаліну Атман Саід.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG