Лінкі ўнівэрсальнага доступу

Пуцін абвясьціў аб выкрыцьці 400 агентаў замежных выведак


Прэзыдэнт Расеі Ўладзімір Пуцін

Уладзімір Пуцін запатрабаваў ад спэцслужбаў спыняць спробы замежных выведак атрымаць доступ да зьвестак палітычнага, эканамічнага і абароннага характару.

Кіраўнік Расеі выступіў 6 сакавіка на калегіі ФСБ, адзначыўшы, што апошнія гады расьце актыўнасьць замежных выведнікаў. Паводле Пуціна, яны выкарыстоўваюць самыя сучасныя мэтады агентурнай і тэхнічнай выведкі.

Расейскі прэзыдэнт адзначыў, што толькі на працягу мінулага году была спынена дзейнасьць 72 кадравых супрацоўнікаў замежных выведак і 397 агентаў замежных спэцслужбаў.

Раней Уладзімір Пуцін пахваліў супрацоўнікаў ФСБ за захаваньне ў тайне распрацоўкі найноўшай расейскага зброі, пра якую ён расказваў у сваім пасланьні Фэдэральнаму сходу на мінулым тыдні.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG