Лінкі ўнівэрсальнага доступу

Фітнэс-дадатак для бегу рассакрэціў вайсковыя базы па ўсім сьвеце


Strava map for runners made public secret military bases

Дадатак для заняткаў спортам Strava (яно пры дапамозе трэкера дае магчымасьць бегунам, раварыстам і лыжнікам запісваць свой маршрут і дзяліцца ім у сетках) выпадкова «рассакрэціла» вайсковыя базы на ўсёй плянэце.

Кампанія выклала ў інтэрнэт карту сьвету з усімі маршрутамі, якія карыстальнікі прыкладаньня прабеглі або праехалі за два гады яго існаваньня (такіх маршрутаў прыкладна 1 млрд). Як аказалася, на мапу трапілі ня толькі маршруты звычайных аматараў спорту, але таксама амэрыканскіх салдат, якія карыстаюцца трэкерамі і часта не здымаюць іх цэлы дзень.

У маланаселеных раёнах, напрыклад, у сырыйскай пустыні або ў Афганістане пры дапамозе гэтай мапы можна лёгка ўстанавіць ня толькі разьмяшчэньне ваенных баз, але і зразумець, як салдаты сябе паводзяць на працягу дня і дзе знаходзяцца, у прыватнасьці вылічыць маршруты патруляваньня.

Пры гэтым многія людзі зарэгістраваныя на Strava пад сваімі сапраўднымі імёнамі, што таксама дае магчымасьць лёгка вылічыць вайскоўцаў па дадзеных і фатаграфіях, якія яны выкладаюць у іншых сацсетках.

Экспэрты ўжо папярэдзілі, што карта, апублікаваная Strava, падвяргае жыцьці вайскоўцаў небясьпецы. Прэс-сакратар Пэнтагона заявіў, што амэрыканскія вайскоўцы вельмі сур’ёзна ставіцца да сытуацыі з картамі і мае намер вызначыць, ці трэба ўзмацніць бясьпеку ў сувязі з выкарыстаньнем фітнэсу-трэкеру.

Ваша меркаваньне

Паказаць камэнтары

XS
SM
MD
LG