Лінкі ўнівэрсальнага доступу

Прэм’ер Японіі прыедзе ў Карэю на адкрыцьцё Алімпіяды


Прэм’ер-міністар Японіі Сіндзо Абэ

Прэм’ер-міністар Японіі Сіндзо Абэ прыме ўдзел у зімовых Алімпійскіх гульнях у Паўднёвай Карэі, нягледзячы на напружанасьць паміж дзьвюма краінамі ў сувязі да зьверствамі часоў Другой сусьветнай вайны. Абэ заявіў 24 студзеня газэце «Санкеі Сімбун», што хацеў бы прысутнічаць на цырымоніі адкрыцьця 9 лютага ў Пхенчхане.

Раней Абэ сумняваўся ў тым, ці прыедзе ён туды, спаслаўшыся на неабходнасьць працы над зацьвярджэньнем нацыянальнага бюджэту. На працягу дзесяцігодзьдзяў адносіны паміж дзьвюма краінамі заставаліся напружанымі ў сувязі з сэксуальным нявольніцтвам карэйскіх жанчынаў у бардэлях для японскіх салдат падчас Другой сусьветнай вайны, калі Японія акупавала Карэйскі паўвостраў.

У 2015 годзе дзьве краіны дасягнулі пагадненьня, згодна зь якім Японія выбачылася і заплаціла каля 9 мільёнаў даляраў у фонд, які падтрымлівае тых, хто выжыў ахвяр. У адказ Паўднёвая Карэя пагадзілася лічыць пытаньне закрытым.

Нядаўна, аднак, прэзыдэнт Паўднёвай Карэі Мун Чжэ Ян падняў пытаньне аб пераглядзе дамовы і заклікаў Японію прапанаваць «сардэчныя прабачэньні» ахвярам. Летнія Алімпійскія гульні 2020 году пройдуць у Токіё.

Ваша меркаваньне

Паказаць камэнтары

XS
SM
MD
LG