Лінкі ўнівэрсальнага доступу

Запушчаны SpaceX сакрэтны спадарожнік ЗША ня выйшаў на арбіту


Запуск ракеты Falcon 9 са спадарожнікам Zuma, 7 студзеня 2018 году

Сакрэтны амэрыканскі спадарожнік Zuma, запушчаны кампаніяй SpaceX з мысу Канавэрал у Флорыдзе 7 студзеня, ня змог дасягнуць арбіты, паведамляюць амэрыканскія СМІ.

Спадарожнік, прызначэньне якога трымаецца ў сакрэце, ня змог аддзяліцца ад другой ступені ракеты Falcon 9. СМІ са спасылкай на амэрыканскіх чыноўнікаў паведамляюць, што касьмічны апарат зламаўся і згарэў у атмасфэры або зваліўся ў мора. Адбываецца расьсьледаваньне інцыдэнту.

Пра страту спадарожніка першым паведаміла выданьне The Wall Street Journal.

Прадстаўнік SpaceX Джэймс Глэйсан адзначыў:

«Мы не камэнтуем місіі такога характару, але пакуль вывучэньне дадзеных паказвае, што Falcon 9 выконвала свае функцыі намінальна».

Пасьля запуску ракета пасьпяхова вярнулася на Зямлю.

Аэракасьмічная і абаронная кампанія Northtrop Grumman паведамляла, што зьяўляецца вытворцам спадарожніка, але адмаўлялася паведаміць дэталі.

Запуск Zuma быў заплянаваны на лістапад 2017 году, аднак некалькі разоў адкладаўся.

Ваша меркаваньне

Паказаць камэнтары

XS
SM
MD
LG