Супрацоўніку літоўскай авіядысьпетчарскай кампаніі Oro Navigacija Рамуальду Ліпскаму, якога засудзілі за шпіянаж на карысьць Беларусі, суд прысудзіў ад дзяржавы 2,8 тысычя эўра за неналежныя ўмовы ўтрыманьня ў Лукіскай турме Вільні, паведамляе delfi.lt.
У гэтай турме ён знаходзіўся са студзеня 2014 года па чэрвень 2016. Пасьля ўступленьня ў сілу пастановы суду ён быў пераведзены ў папраўчую калёнію для адбыцьця пакараньня.
Віленскі акруговы адміністрацыйны суд пастанавіў, што турма не прадаставіла затрыманаму мінімальнай нормы для аднаго асуджанага. Ліпскі скардзіўся на тое, што ў адной камэры знаходзіліся 3-4 чалавекі, было холадна, душна, не было магчымасьці рухацца, займацца спортам.
Мужчына прасіў прысудзіць яму 70 тысячаў эўра.