Лінкі ўнівэрсальнага доступу

«Не пляскайце ў далоні на вуліцах» — брытанскі таблёід дае парады турыстам, якія едуць у Беларусь


The Daily Mail — брытанскае выданьне, папяровая вэрсія якога мае амаль паўтармільённы наклад, сабраў парады для турыстаў з усяго сьвету.

Крыніцай парадаў стаў разьдзел парталу Quora, дзе ўдзельнікі зьбіраюць адказы на пытаньне «Чаго катэгарычна нельга рабіць, наведваючы тваю краіну».

Тут раяць не дарыць букет з цотнай колькасьці кветак у Расеі, здымаць абутак перад тым, як увайсьці ў дом у Японіі, і не адмаўляцца ад гарбаты ў Ірляндыі.

Што да Беларусі, то выданьне абрала параду «не пляскаць у далоні на вуліцах».

«Вас пасадзяць у турму», — цытуецца ў публікацыі выказваньне аднаго з удзельнікаў са спасылкай на досьвед «маўклівых пратэстаў» 2011. Тады людзі зьбіраліся на галоўных плошчах у розных беларускіх гарадах і моўчкі пляскалі ў ладкі. Акцыі жорстка прасьледаваліся праваахоўнымі органамі.

У супольнасьці пра Беларусь таксама задаюць пытаньні кшталту: «Чаму Беларусь такая жахлівая?», «Ці падобная Беларусь да Паўночнай Карэі?», «Ці Беларусь сацыялістычная, камуністычная ці капіталістычная?», «Чаму Расея і Беларусь не аб’яднаюцца?» і іншыя.

Ваша меркаваньне

Паказаць камэнтары

XS
SM
MD
LG