Лінкі ўнівэрсальнага доступу

Facebook зьменіць маркіроўку фэйкавых навінаў


Сацыяльная сетка Facebook перастане ставіць спэцыяльныя пазнакі пад сумнеўнымі навінамі.

Празь іх фэйкамі сталі дзяліцца часьцей, гаворыцца ў паведамленьні ў блогу кампаніі. Facebook правёў дасьледаваньне, паводле якога людзі ўспрымалі навіны з чырвонымі адзнакамі як важныя.

На зьмену старой сыстэмы пазначэньня фэйкавых навінаў прыйдзе новы альгарытм. Пад сумнеўнай публікацыяй Facebook будзе выводзіць яшчэ некалькі навін з другіх крыніц. Тэставаньне гэтай функцыі праводзілі разам зь іншымі кампаніямі, якія спэцыялізуюцца на фактчэкінгу.

У мінулым годзе Facebook запусьціў кампанію па барацьбе з ілжывымі навінамі. Буйныя інфармацыйныя агенцтвы дапамагалі сацыяльнай сетцы маркіраваць сумнеўныя публікацыі.

XS
SM
MD
LG