Экс-намесьніку міністра надзвычайных сытуацый Дзьмітрыю Бегуну пагражае 8 гадоў калёніі за хабар, паведамляе БЕЛТА.
Для былога дырэктара прыватнага прадпрыемства «РМ ГрыфРэстаўрацыя» Аляксандра Грыца пракурор запатрабаваў мякчэйшы тэрмін — 5 гадоў абмежаваньня волі без накіраваньня ў калёнію.
Працэс над Дзьмітрыем Бегуном і Аляксандрам Грыцам пачаўся 5 верасьня ў Заводзкім судзе Менску. Паводле сьледзтва, Грыц неаднаразова перадаваў хабар Бегуну, а той узамен забясьпечваў бесьперашкоднае атрыманьне дакумэнтаў аб захаваньні пажарнай бясьпекі на аб’ектах, дзе працавала кампанія.
