Лінкі ўнівэрсальнага доступу

Вайсковы пракурор Украіны: няма доказаў, што выбухі на складзе былі дывэрсіяй


Пажар на складах боепрыпасаў у Калінаўцы, Віньніцкая вобласьць. 27.09.2017

Галоўны вайсковы пракурор Украіны Анатоль Матыёс заявіў, што сьледзтва ня выявіла ніякіх дывэрсійных груп, якія маглі б падпаліць склады боепрыпасаў у Віньніцкай вобласьці.

Сьледзтва вывучыла матэрыялы Службы бясьпекі Ўкраіны, іншых праваахоўных органаў і высьветліла, што:

• ніякіх дывэрсійных груп на тэрыторыі Віньніцкай вобласьці ня выяўлена (пра гэта на сваёй старонцы ў фэйсбуку, у прыватнасьці, напісаў дарадца прэзыдэнта Ўкраіны і памочнік міністра абароны Юры Бірукоў);

• дадзеныя аб бесьпілётным лятальным апараце сьледзтвам ня выяўленыя.

Нягледзячы на гэта, сьледзтва, паводле галоўнага вайсковага пракурора, усё роўна не адкідае вэрсію, зьвязаную з дывэрсіяй «з боку асоб, якія мелі доступ да складоў з боепрыпасамі».

Сярод іншых прычын пажару, пракурор краіны назваў:

• парушэньне ўмоваў захоўваньня боепрыпасаў,

• неналежнае выкананьне сваіх абавязкаў службовымі асобамі.

Пажар, а затым і выбухі на складзе боепрыпасаў у Калінаўцы пачаліся 26 верасьня ў 22 вечара паводле мясцовага часу.

28 верасьня на складах усё яшчэ назіраюцца адзінкавыя выбухі боепрыпасаў. Раней з пасёлку Калінаўка і бліжэйшых сёлаў эвакуавалі каля 30 тысяч чалавек.

Шкоду ад пажару на складзе боепрыпасаў ацанілі ня менш чым на 800 млн. даляраў.

XS
SM
MD
LG