Лінкі ўнівэрсальнага доступу

Ужо сёньня: Усясьветны дзень без аўтамабілю


Велакарнавал «Viva ровар» у Менску, травень 2017
Велакарнавал «Viva ровар» у Менску, травень 2017

Падзеі 22 верасьня ў беларускай і сусьветнай гісторыі.

Дата дня

Штогод 22 верасьня ва ўсім сьвеце праводзіцца дзень без аўтамабілю. Падчас кампаніі цэнтры многіх гарадоў замыкаюцца для аўтамабільнага руху. Асноўнай мэтай кампаніі зьяўляецца прамоцыя публічнага транспарту і дэманстрацыя, што жыцьцё без аўтамабіля магчымае.

Таксама ў гэты дзень

1862 — прэзыдэнт ЗША Аўраам Лінкальн абвясьціў пра свабоду чарнаскурых нявольнікаў.

1888 — выйшаў першы нумар часопіса National Geographic Magazine.

1869 — у Мюнхэне адбылася прэм’ера опэры Рыхарда Вагнэра «Золата Рэйну», якая зьяўляецца пралёгам да ягонага опэрнага цыклю «Кальцо Нібелунгаў».

1919 — Цэнтральная беларуская рада Віленшчыны і Гарадзеншчыны арганізавала ў Вільні настаўніцкія курсы для падрыхтоўкі настаўнікаў беларускіх школаў.

1939 — адбыўся супольны парад нямецкага і савецкага войскаў у Берасьці.

1943 — у Менску забіты Вільгельм Кубэ, кіраўнік акупацыйнай адміністрацыі Генэральнай акругі «Беларусь».

1949 — СССР правёў першае выпрабаваньне ядзернай зброі.

У гэты дзень нарадзіліся

1791 — Майкл Фарадэй, ангельскі фізык і хімік.

1903 — Хвядос Шынклер, беларускі пісьменьнік.

1925 — Алесь Траяноўскі, беларускі пісьменьнік, перакладчык, крытык, публіцыст.

1938 — Дын Рыд, амэрыканскі актор і сьпявак, быў папулярным у былым СССР і іншых краінах гэтак званага сацыялістычнага лягеру.

1957 — Нік Кэйв, аўстралійскі рок-музыка, паэт, пісьменьнік, аўтар музыкі да фільмаў, сцэнарыст.

1976 — Ранальда, бразыльскі футбаліст.

У памяці

1774 — Клімэнт XIV, Папа Рымскі. 1850 — Францішак Дзеружынскі, беларускі рэлігійны дзеяч, адзін з пачынальнікаў адукацыйнай сыстэмы каталіцкай царквы ў ЗША.

1975 — Павел Крынчык, беларускі палітычны дзеяч міжваеннага часу, дэпутат сойму Другой Рэчы Паспалітай.

1989 — Ірвінг Бэрлін, амэрыканскі кампазытар, які нарадзіўся ў Магілёве. Аўтар песьні «Божа, дабраславі Амэрыку», якая лічыцца неафіцыйным гімнам Злучаных Штатаў.

1999 — Уладзімер Куляшоў, беларускі актор, народны артыст Беларусі.

2007 — Марсэль Марсо, францускі актор.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG