Лінкі ўнівэрсальнага доступу

Ужо сёньня: гадавіна прэм’еры п’есы «Паўлінка»


Спэктакль «Паўлінка» ў Купалаўскім тэатры

Падзеі 15 жніўня ў беларускай і сусьветнай гісторыі.

Дата дня

15 жніўня 1913 году ў Радашкавічах адбылася прэм’ера знакамітай п’есы «Паўлінка». Ставіў спэктакаль Менскі драматычны гурток, якім кіраваў Фларыян Ждановіч, а сярод гледачоў быў і сам аўтар – Янка Купала.

Таксама ў гэты дзень

1068 – быў вызвалены полацкі князь Усяслаў, захоплены ў кіеўскі палон. Кіяне паўсталі супраць свайго князя Ізяслава, скінулі яго і абралі на яго месца Ўсяслава. Палачанін княжыў там 7 месяцаў, але ўрэшце вырашыў вярнуцца дадому, у Полацак.

1945 – Карэя атрымала незалежнасьць ад Японіі.

1947 – Індыя атрымала незалежнасьць ад Вялікабрытаніі.

У гэты дзень нарадзіліся

1769 – Напалеон Банапарт, францускі імпэратар.

1771 – Вальтэр Скот, ангельскі пісьменьнік.

1831 – Вінцэсь Каратынскі, беларускі паэт і журналіст.

1925 – Оскар Пітэрсан, канадзкі джазавы піяніст.

У памяці

1954 – памёр Язэп Драздовіч, беларускі мастак, скульптар, этнограф.

1985 – памёр Часлаў Будзька, беларускі эміграцыйны дзяяч, гісторык, настаўнік.

XS
SM
MD
LG