Лінкі ўнівэрсальнага доступу

Ужо сёньня: прэзэнтацыя кнігі Зьмітра Вайцюшкевіча


Кніга Зьмітра Вайцюшкевіча «Простыя словы»

Падзеі 16 траўня ў беларускай і сусьветнай гісторыі, а таксама афіша на сёньня.

Афіша

Сьпявак і кампазытар Зміцер Вайцюшкевіч прэзэнтуе 16 траўня кнігу падарожных нататак «Простыя словы». Урывак з кнігі можна прачытаць тут.

Менск, кнігарня Логвінаў (пр. Незалежнасьці, 37а).
Пачатак а 19-й гадзіне.
Уваход вольны.

Дзень у гісторыі

1674 — Ян Сабескі быў абраны каралём польскім і вялікім князем літоўскім.

1686 — паміж Расеяй і Рэччу Паспалітай падпісаны «вечны мір», Расея атрымала Смаленшчыну, Чарнігаўшчыну і Кіеў.

1804 — Напалеон I быў абвешчаны імпэратарам.

1889 — упершыню апублікавалі паэму «Тарас на Парнасе» (у газэце «Минский листок»). Паэма была напісаная, найбольш верагодна, у 1850-я. Аўтарам паэмы лічыцца Канстанцін Вераніцын.

1986 — у Горадні быў адкрыты Дом-музэй Максіма Багдановіча.

У гэты дзень нарадзіліся

1755 — Ян Непамуцэн Касакоўскі, дзяржаўны й рэлігійны дзяяч ВКЛ.

1911 — Васіль Вітка, клясык беларускай дзіцячай літаратуры.

1955 — Вольга Корбут, гімнастка, чатырохразовая алімпійская чэмпіёнка.

1957 — Юры Шаўчук, расейскі паэт і рок-музыка.

У памяці

1926 — Казімер Сваяк, беларускі каталіцкі сьвятар, нацыянальны дзяяч, паэт.

1979 — Яўсей Канчар, беларускі палітычны дзяяч, гісторык, публіцыст, вучоны ў галіне эканамічнай геаграфіі, адзін з арганізатараў Усебеларускага зьезду 1917 году.

XS
SM
MD
LG