Зачытваюць абвінавачаньне
Пракурор пачаў зачытваць абвінавачаньне Касінераву. 12 сакавіка Касінераў, «дэманструючы сваё зьняважлівае стаўленьне», наўмысна накінуў пятлю на скульптуру «менскі гарадавы», пасьля чаго «двойчы ўдарыў скульптуру галаве», чым учыніў злоснае хуліганства.
Касінераў заявіў, што не прызнае сябе вінаватым.
Суд пастанавіў спачатку дапытаць Касінерава, потым — сьведак ( якіх пералічылі больш за 6 чалавек). Касінераў пагадзіўся даваць паказаньні.
Суд вырашылі весьці па-расейску
Цяпер судзьдзя вырашае пытаньне аб тым, на якой мове будзе весьціся працэс. Касінераў заявіў, што сам будзе карыстацца беларускай мовай, але ня супраць, калі суд будзе карыстацца расейскай мовай. Суд пастанавіў весьці працэс па-расейску.
Судзьдзя задаволіў хадайніцтва адваката Касінерава аб допыце сьведак зь ягонага боку.
Працэс пачаўся
Судзіць Касінерава судзьдзя Аляксандар Петраш. Судзьдзя ў самым пачатку працэсу забараніў фота- і відэаздымкі падчас працэсу.