Лінкі ўнівэрсальнага доступу

Зьміцер Дашкевіч — беларус году паводле апытаньня экспэртаў БелаПАН


Зьміцер Дашкевіч, Сьвятлана Алексіевіч і Аляксандар Лукашэнка. Фоты: Svaboda.org (зьлева і ў цэтры), Reuters (справа)

Інфармацыйнае агенцтва БелаПАН вызначыла беларуса году ў выніку апытаньня 60 беларускіх экспэртаў самых розных кірункаў дзейнасьці і поглядаў.

Першае месца заняў 35-гадовы лідэр «Маладога фронту» Зьміцер Дашкевіч, які летась адзначыўся зборам і перадачай у Міністэрства культуры подпісаў за бела-чырвона-белы сьцяг, удзелам у шмат якіх іншых акцыях, у ліку якіх зрываньне адкрыцьця муралу «Масква-Менск», пратэст супраць адкрыцьця перанесенага помніка Леніну і капаньне акопу на мяжы з Расеяй.

Зьмітра Дашкевіча затрымліваюць падчас акцыі «Маладога фронту» супраць адкрыцьця помніка Леніну ля Менскага трактарнага заводу
Зьмітра Дашкевіча затрымліваюць падчас акцыі «Маладога фронту» супраць адкрыцьця помніка Леніну ля Менскага трактарнага заводу

Другое месца заняла пісьменьніца і ляўрэатка Нобэлеўскай прэміі ў літаратуры 2015 году Сьвятлана Алексіевіч, трэцяе — кіраўнік Беларусі Аляксандар Лукашэнка. Пры гэтым Алексіевіч была названая БелаПАН беларускай году ў 2015-м.

Алексіевіч і Дашкевіч былі ў ліку экспэртаў, якія галасавалі за намінантаў на званьне «Беларуса году». Таксама ў ліку экспэртаў былі палітыкі розных поглядаў, навукоўцы, эканамісты, журналісты і мэдыяэкспэрты, дзеячы культуры.

У дзясятку пэрсон па папулярнасьці ў экспэртаў трапілі спартоўцы Віталь Гуркоў і Ігар Бокі, кардыёхірург Юры Астроўскі, блогер Эдуард Пальчыс, міністар замежных спраў Уладзімер Макей, праграміст Яўген Неўгень і журналістка Кацярына Сінюк.

Поўны сьпіс экспэртаў і іхных галасоў падае сайт Naviny.by.

Глядзець камэнтары (3)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG