Лінкі ўнівэрсальнага доступу

Нямецкія спэцслужбы: Масква спрабуе падарваць адносіны ЗША з Эўразьвязам


Фэдэральная выведная служба Нямеччыны (BND) і Фэдэральнае ведамства па ахове канстытуцыі абвінавацілі Маскву ў маніпуляцыях, накіраваных на падрыў узаемадзеяньня Эўропы з ЗША. Сумесны даклад прадстаўлены ўраду Нямеччыны аб’яднанай рабочай групай пад назвай PsyOps ( «Псыхалягічныя апэрацыі»).

Эмблема Фэдэральнай выведнай службы Нямеччыны (BND)
Эмблема Фэдэральнай выведнай службы Нямеччыны (BND)

Аўтары дакладу сьцьвярджаюць, што Масква на працягу многіх гадоў мэтанакіравана спрабавала абвастрыць наяўных на Захадзе сацыяльныя канфлікты. У якасьці прыкладу нямецкія спэцслужбы прыводзяць леташнюю гісторыю зь «дзяўчынкай Лізай», якая, паводле вэрсіі расейскай прапаганды, нібыта была выкрадзена і згвалтаваная арабскімі ўцекачамі. Як піша выданьне Spiegel Online, BND і Фэдэральнае ведамства па ахове канстытуцыі расьсьледуюць абставіны масіраванай атакі хакераў на кампутарную сыстэму нямецкага парлямэнту ўвесну 2015 году.

Генэральны сакратар NATO Енс Столтэнберг 12 сьнежня назваў змаганьне з кібэратакамі «адным з ключавых у цяперашняй парадку дня». У сувязі з парлямэнцкімі выбарамі, якія сёлета маюць прайсьці ў Нямеччыне, Столтэнберг заявіў аб непрымальнасьці любых спроб умяшаньня або аказаньня ўплыву на нацыянальныя выбары ў краінах альянсу.

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG