Лінкі ўнівэрсальнага доступу

Ужо сёньня: 90 гадоў Ірыне Быкавай


Партрэт Васіля і Ірыны Быкавых
Партрэт Васіля і Ірыны Быкавых

Падзеі 13 студзеня ў беларускай і сусьветнай гісторыі, а таксама афіша на сёньня.

Дата дня

13 студзеня 1927 году нарадзілася Ірына Быкава, жонка пісьменьніка Васіля Быкава, публікатар ягоных твораў.

Таксама ў гэты дзень

1660 — маскоўскае войска князя Хаванскага захапіла Берасьце падчас вайны Расеі з Рэччу Паспалітай 1654–1667 гг.

1991 — савецкія войскі ўзялі штурмам будынак тэлецэнтру ў Вільні. У выніку дзеяньняў савецкіх вайскоўцаў каля Дому друку, тэлевізыйнай вежы і будынку Літоўскага радыё і тэлевізіі было забіта 14 цывільных асобаў. Гэты дзень адзначаецца ў Літве як Дзень абаронцаў свабоды.

Відэа 2016 году:

У гэты дзень нарадзіліся

1893 — Хаім Суцін, францускі мастак-экспрэсіяніст беларускага паходжаньня.

1938 — Васіль Гроднікаў, беларускі журналіст. У 2005 годзе Гроднікаў быў знойдзены мёртвым у сваёй хаце. Незалежныя журналісты мяркуюць, што Гроднікава забілі і што гэта магло быць зьвязана зь ягонай працай над матэрыялам пра кватэрныя махінацыі ў Маладэчне, «Кідалы-3», дзе ўзгадваліся супрацоўнікі КДБ і МУС.

1940 — Міхаіл Марыніч, беларускі дзяржаўны і палітычны дзяяч.

1961 — Генадзь Сагановіч, беларускі гісторык і археоляг.

Генадзь Сагановіч
Генадзь Сагановіч

1972 — Віталь Шчэрба, беларускі спартовец-гімнаст і алімпійскі чэмпіён.

У памяці

1593 — памёр Сымон Будны, беларускі асьветнік і дзяяч рэфармацыі.

1885 — памёр Іван Хруцкі, беларускі мастак.

1599 — памёр Эдмунд Спэнсэр, ангельскі паэт.

1948 — у Менску савецкія спэцслужбы забілі Саламона Міхоэлса, тэатральнага актора, старшыню Габрэйскага антыфашыстоўскага камітэту.

Прэзыдыюм Габрэйскага антыфашыстоўскага камітэту. У цэнтры — Саламон Міхоэлс
Прэзыдыюм Габрэйскага антыфашыстоўскага камітэту. У цэнтры — Саламон Міхоэлс

Афіша

Сьвяточная імпрэза «Ўсе родныя людзі»

Іван Кірчук, заснавальнік этна-трыё «Троіца», прэзэнтуе монаспэктакль «Дарожка мая...» — адмысловую аўтарскую праграму з 20 беларускіх народных песень. Падчас імпрэзы можна будзе пачуць музычныя інструмэнты з калекцыі Івана Кірчука.

Менск, клюб «Бруге» (Партызанскі пр., 6а). Пачатак а 19-й гадзіне.

Квіткі каштуюць 10–15 рублёў

Ігар Лосік Кацярына Андрэева Ірына Слаўнікава Марына Золатава
XS
SM
MD
LG