Лінкі ўнівэрсальнага доступу

На фізычным факультэце БДУ павесілі савецкі сьцяг і «камуністычную» агітацыю


Студэнты фізычнага факультэту БДУ заўважылі ў будынку факультэту савецкі сьцяг і агітацыю за добрую вучобу ў стылі камуністычнай прапаганды з нагоды 58-й гадавіны заснаваньня факультэту.

Студэнт Пятро Маркелаў падзяліўся са Свабодай здымкамі з факультэту.

Маркелаў распавядае, што прасіў дэкана Віктара Анішчыка прыбраць сьцяг, але той адмовіўся.

Анішчык заявіў карэспандэнту Свабоды, што на факультэце «няма разьвешаных савецкіх сьцягоў». Ён запрасіў карэспандэнта прыехаць на факультэт і праверыць, ці вісіць сьцяг. Адразу па гэтым Маркелаў пацьвердзіў Свабодзе, што сьцяг на месцы.

Дэкан прыгразіў студэнту «асобнай размовай» за «правакацыйныя дзеяньні», запіс размовы ёсьць у распараджэньні рэдакцыі.

«Мне не патрэбныя правакатары на маім факультэце, я дазваляю вам сёньня пайсьці з заняткаў, — казаў Анішчык Маркелаву. — Вольны! І ня трэба мне правакацыяў».

Раней Маркелаву, актывісту руху «За свабоду», які браў удзел у назіраньні за прэзыдэнцкімі і парлямэнцкімі выбарамі ды спрабаваў спыніць «каруселі», ускосна намякалі, што варта спыніць дзейнасьць такога кшталту, каб «не няславіць факультэт».

Глядзець камэнтары (6)

Гэтая дыскусія закрытая.

Вам можа яшчэ спадабацца

XS
SM
MD
LG