Першы намесьнік старшыні Мэджліса крымскататарского народа Нарыман Джэлял паведамляе аб канцэнтрацыі расейскіх вайскоўцаў на поўначы анэксаванага Расеяй Крыму. Пра гэта Джэлял напісаў на сваёй старонцы ў «Фэйсбуку».
«Відавочцы паведамляюць пра вялікія групы расейскай ваеннай тэхнікі, якія знаходзяцца паблізу Армянска і Джанкоя. Сам Джанкой ачэплены вайскоўцамі з танкамі і іншай тэхнікай », — напісаў ён.
Пацьверджаньня гэтай інфармацыі ад расейскіх уладаў Крыму пакуль няма.
Сёньня Дзяржаўная памежная служба Ўкраіны паведаміла, што ў Крыму быў прыпынены пропуск людзей і аўтамабіляў на мяжы мацерыковай Украіны і паўвыспы. Ведамства адзначае, што меры былі прынятыя па рашэньні расейскага боку, прычыны не ўдакладняюцца. Пазьней зьявілася інфармацыя, што рух на мяжы з Крымам адноўлены часткова.
