Лінкі ўнівэрсальнага доступу

Ужо сёньня, 20 лістапада: у гэты дзень Купала спрабаваў скончыць жыцьцё самагубствам


Падзеі дня ў Беларусі, сьвеце, гісторыі

Афіша

Менск — «Архіў і сучаснае мастацтва». Прэзэнтацыя мастачкі Настасьсі Колас. Галерэя Ў, пачатак а 19-ай.

Мядзель — выстава «Ёсьць такая зямля, дзе крыніцы зьвіняць» мастакоў суполкі «Адраджэньне». Мядзельскі музэй народнай славы ( вул. Шаранговіча, 1) . Пачатак а 15-ай.

Гэты дзень у гісторыі


1648 — вялікім князем ВКЛ і польскім каралём абралі Яна Казіміра (сына караля Жыгімонта III Вазы).

1930 — Янка Купала спрабаваў скончыць жыцьцё самагубствам.

1982 — у Менску адкрыўся першы музычны фэстываль «Беларуская музычная восень», які з таго часу праводзіцца штогод.

1985 — кампанія «Майкрасофт» упершыню прадставіла апэрацыйную сыстэму пад назваю «Windows» — Microsoft Windows 1.0.

У гэты дзень нарадзіліся:

1899 — беларускі пісьменьнік, перакладчык і крытык Міхась Клімковіч, першы старшыня Саюзу пісьменьнікаў БССР (1934-1939), аўтар тэксту Дзяржаўнага гімну БССР.

1901 — беларускі празаік, драматург, перакладчык і крытык Міхась Зарэцкі. Рэагаваў часопіс «Маладняк» (1926-1927), быў адным з ініцыятараў стварэньня літаратурнага аб’яднаньня «Полымя». У 1929-м быў выключаны з камуністычнай партыі за «праявы нацыянал-дэмакратызму». У 1936-м арыштаваны. 29 кастрычніка 1937 году расстраляны.

1902 — беларускі архітэктар Аляксандар Воінаў. Сярод яго менскіх прац — Палац піянэраў і школьнікаў, гатэль «Сьвіслач», будынак былога ЦК КПБ (цяпер — адміністрацыя прэзыдэнта).

1948 — беларуская паэтка Яўгенія Янішчыц. Трагічна загінула ў 1988 годзе, выкінуўшыся з акна сваёй менскай кватэры.

1954 — беларуская гімнастка Антаніна Кошаль, чэмпіёнка Алімпійскіх гульняў 1972 году.

У гэты дзень памерлі:

1910 — расейскі пісьменьнік Леў Талстой.

1925 — польскі пісьменьнік і публіцыст Стэфан Жаромскі, часта званы «сумленьнем польскай літаратуры».

1950 — расейскі і беларускі публіцыст, крытык, журналіст і літаратар Леў Клейнбарт. Дасьледнік тэндэнцыяў і кірункаў беларускага літаратурнага руху. Першы біёграф Янкі Купалы.

1975 — гішпанскі дыктатар Франсыска Франка. Кіраваў краінаю з 1939 году да сьмерці ў 1975-м.

1998 — расейская палітычная дзяячка Галіна Старавойтава. Была застрэленая ў Санкт-Пецярбургу пры дасюль не да канца высьветленых абставінах.

Цытата

Я заўсёды ікнуўся не раздражняцца і саступаць ў сварцы, чым і дасягаў прымірэньня, а потым ужо ў спакойным стане справа ўладжвалася сама сабой. Амаль заўсёды даводзіцца шкадаваць, што сварка не была спынена спачатку.

Леў Талстой

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG