Лінкі ўнівэрсальнага доступу

Ужо сёньня 24 красавіка 2015: Беларусы на кніжнай выставе ў Кіеве


Рака Лясная
Рака Лясная

Падзеі і даты гэтага дня.

Фота дня

Новае фота кожны дзень, увесь год. Прысылайце сюды свае здымкі гарадзкіх і прыродных краявідаў, падзеяў і зьяваў жыцьця ў 2015. Пажадана дасылаць фота ў прапорцыі 9 на 16. Усе аўтары фота, апублікаваных на сайце Свабоды, атрымаюць прызы. Тры найбольш папулярныя здымкі месяца будуць адзначацца.

Афіша:

У Кіеве праходзіць кніжная выстава «Кніжны Арсэнал», у якой удзельнічае ініцыятыва «Books from Belarus» са сваім беларускім стэндам. 24 красавіка на выставе адбудуцца, сярод іншага, наступныя імпрэзы з удзелам беларусаў:

12.00-12.45: Таварыства ўкраінскай літаратуры пры Саюзе беларускіх пісьменьнікаў прэзэнтуе беларуска-ўкраінскі альманах «Справа» пры ўдзеле Наталкі Бабінай, Алеся Наварыча, Натальлі Марчанкі, Уладзіслава Ахроменкі.

14:00-15:00: Майстар-кляс «Як „прадацца“ за мяжу і як прыдбаць правы на выданне?» з удзелам Ігара Логвінава.

16:00-17:00: Аўтограф-сэсія Артура Клінава з нагоды выхаду яго кнігі «Шклатара».

18:00-18:45: Паэтычная сцэна з удзелам Сяргея Жадана і Андрэя Хадановіча.

19:00-20:00: Прэзэнтацыя кнігі Сьвятланы Алексіевіч «Час Second Hand» з удзелам Сьвятланы Алексіевіч і Аксаны Забужкі.

У гісторыі:

1800 — прэзыдэнт ЗША Джон Адамс заснаваў Бібліятэку Кангрэсу, вылучыўшы 5000 даляраў на закупку кніг.

1889 — нарадзіўся Юры Сабалеўскі, беларускі грамадзка-палітычны дзяяч, публіцыст.

1900 — нарадзіўся Аркадзь Моркаўка, беларускі паэт.

1915 — турэцкія ўлады пачалі масавыя забойствы, арышты і дэпартацыю армянскай інтэлігенцыі Канстантынопалю. Пазьней гэтая дата стане Днём памяці ахвяраў генацыду армянаў у Асманскай імпэрыі 1915-1923.

1936 — нарадзілася Вера Рыч, ангельская паэтка і перакладчыца з украінскай і беларускай моваў.

1944 — нарадзіўся Зянон Пазьняк, беларускі палітык, грамадзкі і культурны дзяяч.

1977 — нарадзіўся Сяргей Балахонаў, беларускі пісьменьнік.

У памяці:

2014 — памёр Тадэвуш Ружэвіч, польскі паэт і драматург.

Цытата:

забудзьце пра нас
пра наша пакаленьне
жывіце як людзі
забудзьце пра нас

мы зайздросьцілі
расьлінам і камяням
зайздросьцілі сабакам

хацеў бы быць пацуком
прамовіў тады я ёй

хацела б ня быць
хацела б заснуць
і прачнуцца пасьля вайны
прамовіла яна з заплюшчанымі вачыма

забудзьце пра нас
не пытайцеся пра нашу маладосьць
пакіньце нас

Тадэвуш Ружэвіч «Пакіньце нас» (пераклад Юрася Каласоўскага)

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG