У Сэуле амэрыканскага амбасадара ў Паўднёвай Карэі Марка Ліпэрта ўдарылі нажом для чысткі гародніны падчас афіцыйнага сьняданку.
Дыплямат дастаўлены ў лякарню з раненьнямі твару і рукі. Пагрозы для яго жыцьця няма.
Нападнік — нацыяналіст — быў у традыцыйнай карэйскай вопратцы і пракрычаў: «Дзьве Карэі павінны ўзьяднацца». Калі яго саджалі ў паліцэйскую машыну, ён выкрыкваў лёзунгі супраць сумесных з ЗША ваенных вучэньняў, якія пачаліся ў Паўднёвай Карэі ў мінулы панядзелак.
Паўднёвакарэйскі прэм’ер-міністар Лі Ван Гу выказаў шкадаваньне ў сувязі са здарэньнем.
Дзярждэпартамэнт ЗША рэзка асудзіў напад на амэрыканскага амбасадара.
