Пра гэта заявіў сакратар Рады Нацыянальнай бясьпекі і абароны Аляксандр Турчынаў, праведамляе яго ягоная прэс-служба.
«У сувязі з тэрактам, які адбыўся ў Харкаве, у час якога, па папярэдніх дадзеных, загінуў адзін міліцыянт і адзін цывільны, а таксама пацярпелі пяць міліцыянтаў і чацьвёра мірных грамадзян, у горадзе ўведзены найвышэйшы ўзровень тэрарыстычнай пагрозы і пачата правядзеньне антытэрарыстычнай аперацыі», — сказаў Турчынаў.
Паводле яго словаў, падчас мірнага шэсця, прысьвечанага памяці загінулых на Майдане, было выкарыстана выбуховае прыстасаваньне накіраванага дзеяньня.
Сакратар Рады Нацыянальнай бясьпекі Ўкраіны Турчынаў паведаміў, што ўжо затрыманыя 4 удзельнікі падрыву і канфіскаваная зброя, уключаючы гранатамёт.
Паводле інфармацыі Рады бясьпекі Ўкраіны, група, што ажыцьцявіла тэракт, праходзіла навучаньне ў расейскім Белгарадзе.