ПАДЗЕІ ДНЯ
У Барысаве беларуская зборная па футболе правядзе матч кваліфікацыі ЭЎРА 2016 супраць каманды Славаччыны. Пачатак а 21.45.
У рок-клюбе TNT у Менску «шоў старых японскіх магнітафонаў». Пачатак а 18.00.
ГЭТЫ ДЗЕНЬ У ГІСТОРЫІ
1492 — адкрыцьцё Хрыстафорам Калюмбам выспы Сан-Сальвадор, якое лічыцца афіцыйнаю датаю «адкрыцьця Амэрыкі».
1920 — падпісаньне Рыскай дамовы, папярэдняга дакумэнту, створанага з мэтаю заканчэньня савецка-польскай вайны 1919-1921 гадоў. Канчаткова дамова была замацаваная ў выглядзе Рыскай мірнай дамовы 18 сакавіка 1921 году.
1925 — у Бэрліне пачалася Другая ўсебеларуская канфэрэнцыя. Беларускія палітыкі, якія паверылі, што ў БССР можна рэалізоўваць ідэалы нацыянальнага адраджэньня, пераконвалі сваіх калег-эмігрантаў спыніць барацьбу з бальшавікамі. На канфэрэнцыі паўнамоцтвы ўраду БНР былі перададзеныя ўраду БССР. Аднак старшыня Рады БНР Пётра Крачэўскі і ягоны намесьнік Васіль Захарка гэтага рашэньня не прызналі.
1952 — у Нью-Ёрку беларускімі эмігрантамі была пастаўленая камэдыя «Паўлінка» Янкі Купалы.
1964 — з касмадрому Байканур запушчаны трохмесны касьмічны карабель «Усход-1». Упершыню ажыцьцявіўся палёт шматмеснага карабля; быў гэта таксама першы палёт касманаўтаў без скафандраў.
1994 — Нацыянальная зборная Беларусі па футболе атрымала першую перамогу (у сустрэчы супраць зборнай Люксэмбургу).
Сказалі асьлюку авечкі:
— Давай пабавімся ля рэчкі!
Асьлюк не пагадзіўся з імі:
— Я не гуляюся з малымі.
Тут падбег вярблюд:
— Асёл!
Пагуляемся ў футбол?
— Не, — сказаў асёл вярблюду, —
Я з табой гуляць ня буду.
Аляксандар Цімафееўскі, «Хто пакрыўдзіў асьлюка?»
У гэты дзень нарадзіліся:
1796 — Міхаіл Мураўёў, расейскі генэрал, кіраўнік задушэньня паўстаньня 1863-1864 гадоў у Беларусі. Празваны ў Беларусі «вешальнікам».
1884 — Міхал Буклярэвіч, рымска-каталіцкі сьвятар, беларускі рэлігійны й грамадзкі дзяяч.
З КАЛЕНДАРА БАХАРЭВІЧА
Новая зямля. 12 кастрычніка 1492 матрос Калюмбавай экспэдыцыі Радрыга дэ Трыэна пабачыў зямлю
