Паводле яго, гэта забясьпечыць абарону краінаў НАТО ад пагрозаў. Расмусэн адзначыў, што сілы хуткага рэагавання могуць складацца з некалькіх тысяч чалавек, якія будуць сфармаваныя з вайскоўцаў краінаў-сяброў НАТО на ратацыйнай аснове.
У новыя падразьдзяленьні, якія будуць здольныя рэагаваць на магчымыя пагрозы ў вельмі кароткі пэрыяд часу, увойдуць ваенна-паветраныя, сухапутныя і ваенна-марскія сілы.
Расмусэн падкрэсьліў, што блёк будзе прысутнічаць на ўсходзе Эўропы гэтак доўга, колькі спатрэбіцца. Разам з тым, ён адзначыў, што НАТО ня будзе разрываць акт аб супрацоўніцтве з Расеяй ад 1997 году. 4-5 верасьня ў Уэйлзе адбудзецца саміт НАТО, на якім, як чакаецца, асноўнай тэмай будуць дзеяньні Расеі на ўсходзе Ўкраіны.