Вайна ў Кіеве. 21 лютага. Януковіч абвясьціў датэрміновыя выбары прэзыдэнта

Кабзон просіць Януковіча ўжыць усю сілу, якая ёсьць

Сьпявак Ёсіф Кабзон і шэраг украінцаў, якія жывуць у Расеі, зьвярнуліся з адкрытым зваротам да Віктара Януковіча з просьбай тэрмінова ўрэгуляваць сытуацыю ў краіне.

Захарчанка апраўдвае снайпэраў

Выканаўца абавязкаў міністра ўнутраных спраў Украіны Віталь Захарчанка, які раней адмаўляў ужываньне падначаленымі яму падразьдзяленьнямі агнястрэльнай зброі, прызнаў учарашні факт абстрэлу грамадзян.

Партрэты Януковіча пад забаронай

Драгобыцкі гарсавет Львоўскай вобласьці забараніў дзейнасьць і сымболіку Партыі рэгіёнаў, Кампартыі і разьмяшчэньне партрэтаў Віктара Януковіча ў кабінэтах чыноўнікаў.

Пра гэта паведамляе «Украінская праўда».

Раней аналягічныя рашэньні ўжо прынялі некалькі раённых і гарадзкіх саветаў Львоўскай і Івана-Франкоўскай абласьцей.

У Львове абвешчаная трохдзённая жалоба

У сувязі з гібельлю украінцаў у Кіеве, мэр Львова Андрэй Садовы абвясьціў у горадзе трохдзённую жалобу, паведамілі ў прэсавай службе Львоўскага гарсавета.

Узброеныя міліцыянты прыехалі бараніць Майдан

Каля ста міліцыянтаў са Львова прыехалі на Міхайлаўскую плошчу на аўтобусе. Большасьць службоўцаў у форме, некаторыя ў цывільным. Міліцыянты маюць розныя званьні, сярод іх адстаўнікі і воіны-аўганцы.

Былі міністар МУС Юры Луцэнка паведаміў, што ўсе службоўцы маюць пры сабе табэльную зброю: "Яны будуць дакладна прытрымлівацца выкананьня закон пра міліцыю, — заявіў Юры Луцэнка.

Паводле крыніцаў Радыё Свабода, у Кіеў рухаюцца яшчэ 5 аўтобусаў з галіцкай міліцыяй.

У Харкаве могуць увесьці «спэцрэжым»

Старшыня Харкаўскай аблдзяржадміністрацыі Міхаіл Добкін сказаў, што ў яго ёсьць паўнамоцтвы для ўвядзеньня на тэрыторыі вобласьці спэцыяльнага рэжыму, каб мець магчымасьць законна абараняць тэрыторыю рэгіёну.

Пра гэта паведамляе УНІАН.

«Я не кажу пра надзвычайны стан, таму што гэта прэрагатыва прэзыдэнта Ўкраіны. Але ёсьць іншыя віды спэцыяльных рэжымаў», — сказаў Добкін.
Kali

Польшча прыняла параненых з Украіны

Трое параненых падчас падзеяў у Кіеве ўжо транспартаваныя ў Цэнтральны клінічны шпіталь Варшавы. Яшчэ чатыры чалавекі маюць прыбыць неўзабаве.

Прэс-сакратар шпіталю паведаміў Польскаму радыё, што гэта людзі, якія былі параненыя ў студзені і ўжо прайшлі першы этап лячэньня ў Польшчы. У іх не складаныя пашкоджаньні і іхнаму жыцьцю нічога не пагражае. Пераважна гэтая людзі з траўмамі вока і костак.

У пасяджэньні Рады абвешчаны перапынак для падрыхтоўкі законапаректа аб вяртаньні Канстытуцыі 2004 года.

Украіна. Рэгіёны ў агні

Пратэсты супраць улады і супрацьстаяньне ахапілі ўсю Ўкраіну. Ёсьць забітыя і параненыя ня толькі ў Кіеве, але і ў рэгіёнах.

Прапануюць імпічмэнт Януковічу

Дэпутат Алесь Доній прапанаваў не заслухоўваць прыняць акт аб адхіленьні Януковіча ад улады як адказнага за сьмерці украінцаў.

Рыбаку не далі абвясьціць перапынак у Радзе

Дэпутат Алег Ляшко запатрабаваў пазбавіць мандатаў усіх дэпутатаў, якія не прысутнічалі ўчора на сэсіі, як здраднікаў і баязьліўцаў, распусьціць фракцыі КПУ і Партыі рэгіёнаў, якія ігнаравалі паседжаньне ў адказны час, а таксама накіраваць у адстаўку сьпікера Ўладзімера Рыбака і ягонага намесьніка-камуніста.

Сьпікер Рыбак патлумачыў, што ў яго ўчора была тэмпэратура і хацеў абвясьціць перапынак да 16 гадзін, але яму не далі.

Апазыцыя настойвае на датэрміновых выбарах прэзыдэнта Ўкраіны

Рада абмяжоўвае паўнамоцтвы Януковіча

Паводле заявы сьпікера Ўладзімера Рыбака, першае пытаньне — вяртаньне да Канстытуцыі 2004 года, якая прадугледжвае парлямэнцка-прэзыдэнцкую форму кіраўніцтва.

Паседжаньне Вярхоўнай Рады пачалося каля 10 гадзіны па кіеўскім часе. У сэсійнай залі прысутныя дэпутаты ўсіх фракцый. Сьпікер Уладзімер Рыбак заявіў, што падпісаў ўчарашнюю пастанову Рады пра спыненьне выкарыстаньня сілы і адвод сілавікоў у казармы.

«Нам трэба вярнуцца да Канстытуцыі 2004 года і сёньня мы павінны прыняць гэты закон. На сёньня трэба ўхваліць пастанову пра амністыю».

Паводле Рыбака, кіраўнік фракцый таксама разглядаюць праект падрыхтаванага пагадненьня.

Раскол ва ўкраінскім войску

Міністэрства абароны Ўкраіны, якім кіруе выканаўца абавязкаў міністра Павал Лебедзеў, паведаміла h пра ўмовы прымяненьня зброі супраць пратэстоўцаў.

Сталі вядомыя некаторыя падрабязнасьці пагадненьня зь Януковічам

Прэсавая служба Януковіча афіцыйна паведаміла пра завяршэньне перамоваў па ўрэгуляваньні палітычнага крызісу ў дзяржаве пры ўдзеле самога Віктара Януковіча, лідэраў апазыцыі і прадстаўнікоў Эўрапейскага Зьвязу ды Расеі.

Акцыя салідарнасьці з Украінай у Берасьці

А 18 гадзіне 21 лютага плянуецца акцыя салідарнасьці з Украінай каля ўкраінскага консульства (вуліца Вароўскага, 19).

Пра правядзеньне акцыі паведаміла грамадзкая актывістка Аксана Іванюк: «Гэтай краіне як нікому патрэбная зараз падтрымка. Арганізаваць акцыю салідарнасьці — гэта адзінае, што я магу зрабіць, і я вельмі прашу мяне падтрымаць», — паведаміла Аксана Свабодзе.

Колькасьць загінуўшых праваахоўнікаў вырасла да 16 чалавек — МУС

130 супрацоўнікаў органаў унутраных спраў дастаўленыя ў мэдустановы з агнястрэльнымі раненьнямі. Усяго з 18 лютага па мэдыцынскую дапамогу зьвярнуліся 565 супарцоўнікаў органаў унутраных спраў, зь іх 410 — шпіталізаваны, паведамляе МУС Украіны.

Данецкія рэгіяналы вярнуліся з Кіева дамоў, не выходзячы з цягніка

Прыхільнікі Партыі рэгіёнаў, якія прыбылі ўчора з Данецка ў Кіеў, накіраваліся назад, не выходзячы з цягніка.

Паводле УНІАН, пра гэта ў Фэйсбуку паведаміў сакратар Данецкага гарадзкога савета Сяргей Багачоў: «Учора мы адпраўлялі сваіх землякоў у Кіеў для ўдзелу ў мірных акцыях. Але, як толькі зьявілася інфармацыя аб узброеных сутыкненьнях , было прынята рашэньне, каб яны заставаліся на месцы, у вагонах і чакалі адпраўкі назад».

У Менску будуць маліцца за Ўкраіну

77 загігнулых у Кіеве паводле — Міністэрства аховы здароўя Ўкраіны