28 жніўня споўнілася 50 гадоў «Маршу на Вашынгтон» 1963 году — гістарычнаму эпізоду ў барацьбе за грамадзянскія правы ў Амэрыцы. У гэтым шэсьці ўзялі ўдзел больш за 200 тысяч актывістаў афраамэрыканскага руху. Цэнтральнай падзеяй стала прамова Марціна Лютэра Кінга «У мяне ёсьць мара». Гэтая падборка фотаздымкаў прысьвечана гісторыі руху за раўнапраўе ў ЗША ў 50-х і 60-х гадах мінулага стагодзьдзя.
Гісторыя барацьбы за грамадзянскія правы ў ЗША на фотаздымках
![17-гадовы вучань Натаніэл Сьцюард на ўроку ў школе Сьвятога Дамініка ў Вашынгтоне 21 траўня 1954 года. Школа адной зь першых увяла зьмешаныя клясы пасьля таго, як Вярхоўны Суд ЗША на працэсе, які атрымаў назву «Браўн супраць Рады па адукацыі», забараніў сегрэгацыю ў школах.](https://gdb.rferl.org/7fc2b3c6-fb59-4a36-ba74-41ea02cac54f_w1024_q10_s.jpg)
1
17-гадовы вучань Натаніэл Сьцюард на ўроку ў школе Сьвятога Дамініка ў Вашынгтоне 21 траўня 1954 года. Школа адной зь першых увяла зьмешаныя клясы пасьля таго, як Вярхоўны Суд ЗША на працэсе, які атрымаў назву «Браўн супраць Рады па адукацыі», забараніў сегрэгацыю ў школах.
![Адвакаты Тургуд Маршал (у цэнтры), Джордж Хайерс (зьлева) і Джэймс Нэбрыт сьвяткуюць рашэньне Вярхоўнага суда па справе «Браўн супраць Рады па адукацыі» 17 траўня 1954 года. Рашэньне паклала канец сэгрэгацыі ў амэрыканскіх школах. У 1967 Тургуд Маршал стаў першым афраамэрыканцам ў Вярхоўным судзе ЗША.](https://gdb.rferl.org/ee4664e2-f4ff-4022-9115-3a986dc67e46_w1024_q10_s.jpg)
2
Адвакаты Тургуд Маршал (у цэнтры), Джордж Хайерс (зьлева) і Джэймс Нэбрыт сьвяткуюць рашэньне Вярхоўнага суда па справе «Браўн супраць Рады па адукацыі» 17 траўня 1954 года. Рашэньне паклала канец сэгрэгацыі ў амэрыканскіх школах. У 1967 Тургуд Маршал стаў першым афраамэрыканцам ў Вярхоўным судзе ЗША.
![14-гадовы хлопчык Эмэт Ціл гасьцяваў у сваіх родных у Місісіпі ў 1955 годзе, калі яго выкралі, жорстка зьбілі, а затым забілі і кінулі цела ў раку. Двое белых, якія нападалі, патлумачылі свае дзеяньні тым, што хлопчык сьвіснуў белай жанчыне. Прысяжныя, сярод якіх не было ніводнага афраамэрыканца, апраўдалі забойцаў. Гэта справа стала знакавай у руху за цывільныя правы.](https://gdb.rferl.org/ddd1b3ef-d88a-4b81-9a6a-69a1d48016a1_w1024_q10_s.jpg)
3
14-гадовы хлопчык Эмэт Ціл гасьцяваў у сваіх родных у Місісіпі ў 1955 годзе, калі яго выкралі, жорстка зьбілі, а затым забілі і кінулі цела ў раку. Двое белых, якія нападалі, патлумачылі свае дзеяньні тым, што хлопчык сьвіснуў белай жанчыне. Прысяжныя, сярод якіх не было ніводнага афраамэрыканца, апраўдалі забойцаў. Гэта справа стала знакавай у руху за цывільныя правы.
![Актывістка барацьбы за грамадзянскія правы Роза Паркс з Марцінам Лютэрам Кінгам ў 1955 годзе. Паркс арыштавалі за тое, што яна адмовілася саступіць месца ў аўтобусе беламу пасажыру. Яе акт грамадзянскага непадпарадкаваньня паклаў пачатак байкоту аўтобусных ліній у Мантгомэры, кампаніі пратэсту супраць сегрэгацыі ў грамадзкім транспарце ў штаце Алабама.](https://gdb.rferl.org/40f22b75-9ddc-42a3-94ba-48147fe7fc75_w1024_q10_s.jpg)
4
Актывістка барацьбы за грамадзянскія правы Роза Паркс з Марцінам Лютэрам Кінгам ў 1955 годзе. Паркс арыштавалі за тое, што яна адмовілася саступіць месца ў аўтобусе беламу пасажыру. Яе акт грамадзянскага непадпарадкаваньня паклаў пачатак байкоту аўтобусных ліній у Мантгомэры, кампаніі пратэсту супраць сегрэгацыі ў грамадзкім транспарце ў штаце Алабама.
![Роза Паркс ў аўтобусе ў Мантгомэры з журналістам ў 1956 годзе, пасьля таго, як Вярхоўны Суд ЗША прыняў рашэньне, што сэгрэгацыя ў гарадзкім транспарце зьяўляецца незаконнай. Рашэньне суда было прынята пад ціскам актывістаў, якія байкатавалі грамадзкі транспарт.](https://gdb.rferl.org/9e2dda16-6dad-4643-8063-e10a4a020e0f_w1024_q10_s.jpg)
5
Роза Паркс ў аўтобусе ў Мантгомэры з журналістам ў 1956 годзе, пасьля таго, як Вярхоўны Суд ЗША прыняў рашэньне, што сэгрэгацыя ў гарадзкім транспарце зьяўляецца незаконнай. Рашэньне суда было прынята пад ціскам актывістаў, якія байкатавалі грамадзкі транспарт.
![25 верасьня 1957 года дзевяць афраамэрыканскіх дзяцей пад аховай марскіх пяхотнікаў ЗША ўвайшлі ў школу ў горадзе Літл-Рок у штаце Арканзас. Прэзыдэнт Дуайт Эйзэнхаўэр аддаў загад урадавым войскам суправаджаць дзяцей у школу, каб на іх не напалі разьюшаныя пратэстоўцы. Губэрнатар штату Орвал Фобус вырашыў не дапусьціць дзевяцёх дзяцей у Цэнтральную сярэднюю школу горада.](https://gdb.rferl.org/199cc284-ca1c-407d-9c58-56678ddc4e24_w1024_q10_s.jpg)
6
25 верасьня 1957 года дзевяць афраамэрыканскіх дзяцей пад аховай марскіх пяхотнікаў ЗША ўвайшлі ў школу ў горадзе Літл-Рок у штаце Арканзас. Прэзыдэнт Дуайт Эйзэнхаўэр аддаў загад урадавым войскам суправаджаць дзяцей у школу, каб на іх не напалі разьюшаныя пратэстоўцы. Губэрнатар штату Орвал Фобус вырашыў не дапусьціць дзевяцёх дзяцей у Цэнтральную сярэднюю школу горада.
![Актывісты-студэнты з Агаё перад паездкай у Місісіпі ў 1964 годзе. Гэтая кампанія, якая атрымала назву «Лета свабоды», ставіла мэтай зарэгістраваць як мага больш выбарнікаў-афраамэрыканцаў у Місісіпі, штаце, які да гэтага спрабаваў выключыць афраамерыканцаў з удзелу ў выбарах.](https://gdb.rferl.org/f77f345d-e08c-42a6-b50b-8da858a44cbf_w1024_q10_s.jpg)
7
Актывісты-студэнты з Агаё перад паездкай у Місісіпі ў 1964 годзе. Гэтая кампанія, якая атрымала назву «Лета свабоды», ставіла мэтай зарэгістраваць як мага больш выбарнікаў-афраамэрыканцаў у Місісіпі, штаце, які да гэтага спрабаваў выключыць афраамерыканцаў з удзелу ў выбарах.
![«Ланцуг» белых і чорных дэманстрантаў перад будынкам гарадзкой Рады Нью-Ёрку 23 жніўня 1963 году.](https://gdb.rferl.org/4b50c279-603f-4609-9f8c-7a42f2b53abc_w1024_q10_s.jpg)
8
«Ланцуг» белых і чорных дэманстрантаў перад будынкам гарадзкой Рады Нью-Ёрку 23 жніўня 1963 году.
![Лідэр руху за Грамадзянскія правы і прапаведнік Марцін Лютэр Кінг (трэці зьлева) перад Маршам на Вашынгтон 28 жніўня 1963 г.](https://gdb.rferl.org/228b42f8-6b3d-4003-a976-ac58ba0d7dec_w1024_q10_s.jpg)
9
Лідэр руху за Грамадзянскія правы і прапаведнік Марцін Лютэр Кінг (трэці зьлева) перад Маршам на Вашынгтон 28 жніўня 1963 г.
![Калёна паміж Капітоліем і Мэмарыялам Лінкальна падчас Маршу на Вашынгтон.](https://gdb.rferl.org/b82987df-d72d-4510-ac46-8e71924b7293_w1024_q10_s.jpg)
10
Калёна паміж Капітоліем і Мэмарыялам Лінкальна падчас Маршу на Вашынгтон.
![Прэзыдэнт ЗША Ліндан Джонсан паціскае руку Марціну Лютару Кінгу пасьля падпісаньня ў Белым доме 2 ліпеня 1964 г. гістарычнага Білю аб грамадзянскіх правах.](https://gdb.rferl.org/2d4e95b2-3b54-48d3-976d-642e4b6ce92c_w1024_q10_s.jpg)
11
Прэзыдэнт ЗША Ліндан Джонсан паціскае руку Марціну Лютару Кінгу пасьля падпісаньня ў Белым доме 2 ліпеня 1964 г. гістарычнага Білю аб грамадзянскіх правах.
![Карэта Скот Кінг (пятая справа) вядзе Марш на Мэмфіс 9 красавіка 1968 г, празь пяць дзён пасьля таго, як у Мэмфісе, штат Тэнэсі, быў забіты яе муж, Марцін Лютэр Кінг. Справа ад яе — дачка Іяланда і двое сыноў — Марцін і Дэкстер.](https://gdb.rferl.org/c3e72302-b29a-4a43-9cb1-d5dddea307a3_w1024_q10_s.jpg)
12
Карэта Скот Кінг (пятая справа) вядзе Марш на Мэмфіс 9 красавіка 1968 г, празь пяць дзён пасьля таго, як у Мэмфісе, штат Тэнэсі, быў забіты яе муж, Марцін Лютэр Кінг. Справа ад яе — дачка Іяланда і двое сыноў — Марцін і Дэкстер.
![Людзі зьбіраюцца на Марш беднякоў у Вашынгтоне 19 чэрвеня 1968. Кампанія была арганізавана Марцінам Лютэрам Кінгам, каб дамагчыся эканамічнай дапамогі для самых бедных раёнаў ЗША. Яна была працягнута пасьля забойства Кінга ў красавіку 1968 года.](https://gdb.rferl.org/190abe74-87f5-40a2-9ae6-6f7d1ed172d4_w1024_q10_s.jpg)
13
Людзі зьбіраюцца на Марш беднякоў у Вашынгтоне 19 чэрвеня 1968. Кампанія была арганізавана Марцінам Лютэрам Кінгам, каб дамагчыся эканамічнай дапамогі для самых бедных раёнаў ЗША. Яна была працягнута пасьля забойства Кінга ў красавіку 1968 года.