Лінкі ўнівэрсальнага доступу

УЗЬНІКЛА НОВАЯ АРГАНІЗАЦЫЯ ДЛЯ АБАРОНЫ ЗЬНЯВОЛЕНЫХ


Альгерд Невяроўскі, Менск

Ва ўстаноўчым сходзе арганізацыі "Вольная будучыня", якая пакуль будзе дзейнічаць толькі на тэрыторыі Менску, брала ўдзел 12 чалавек. Яны адзінагалосна абралі на старшыню былога дэпутата Вярхоўнага Савету 12-га скліканьня, юрыста Барыса Гюнтэра.

Паводле спадара Гюнтэра, патрэба ў зьяўленьні такой арганізацыі як "Вольная будучыня" насьпела ўжо даўно, бо іншыя беларускія праваабарончыя арганізацыі дагэтуль, на жаль, надавалі недастаткова ўвагі праблеме абароны правоў чалавека ў месцах зьняволеньня.

Сябры "Вольнай будучыні" зьбіраюцца інфармаваць міжнародную супольнасьць пра ўсе факты парушэньня правоў вязьняў у беларускіх турмах, а таксама рыхтаваць для дзяржаўных установаў законапраекты ў справе лібэралізацыі пенітэнцыярнай сыстэмы.


XS
SM
MD
LG