ПХЭНЬНЯН Міжнародная супольнасьць накіроўвае гуманітарную дапамогу ў Паўночную Карэю, пацярпелым ад буйной чыгуначнай катастрофы, якая адбылася ў мінулы чацьвер. Паводле афіцыйных паведамленьняў уладаў КНДР тады загінула 160 чалавек, замежныя экспэрты мяркуюць, што ахвяраў было нашмат болей.
Тоні Барнэбі – кіраўнічка азіяцкага аддзелу Усясьветнай харчовай праграмы ААН паведаміла, што ў КНДР тэрмінова накіроўваецца тысячы тонаў харчоў.
Дапамогу Паўночнай Карэі ўжо накіравалі памежныя краіны : Кітай, Паўдзёная Карэя, Расея. Прапановы дапамагчы выказалі Злучаныя Штаты, Японія і Аўстралія.