Брытанія і Лібія пагадзіліся правесьці супольнае расьсьледаваньне
забойства супрацоўніцы англійскай паліцыі каля будынку лібійскай амбасады, якое адбылося 20 гадоў таму.
У МЗС Вялікабрытаніі паведамілі, што сьледзтва правядуць пад кіраўніцтвам брытанскага дэтэктыва і лібійскага супрацоўніка паводле лібійскіх законаў.
Супрацоўніца паліцыі Івон Флетчэр была забітая ў красавіку 1984 года з акна лібійскай амбасады.
Гэты інцыдэнт прывёў да разрыву дыпляматычных адносінаў паміж Лібіяй і Вялікабрытаніяй, якія былі адноўленыя толькі ў 1999 годзе, калі Лібія ўзяла на сябе адказнасьць за выпадак.
Паводле лёнданскай паліцыі, мэта цяперашняга сьледзтва – знайсьці вінаватых у забойстве Флетчэр і прыцягнуць іх да адказнасьці.