Літоўскі парлямант вырашыў пачаць працэдуру імпічменту прэзыдэнта Раландаса Паксаса, які абвінавачваецца ў парушэньні Канстытуцыі і прэзыдэнцкай клятвы. За гэта прагаласавала 62 дэпутатаў Сойму, 11 было супраць і 3 -- устрымаліся.
Паксас аспрэчыў агучаныя на ягоны адрас абвінавачваньні ў сувязях з расейскімі крымінальнымі групоўкамі і адмовіўся добраахвотна пайсьці ў адстаўку. Згодна з працэдурай парлямант павінен ў красавіку канчаткова вызначыць дату разгляду пытаньня пра імпічмент прэзыдэнта.