РЫГА. Сёньня ў адстаўку пайшоў урад Латвіі на чале з прэм’ер-міністрам краіны Эйнарсам Рэпшэ. Рэпшэ патлумачыў адстаўку тым, што складзеная з трох партыяў кааліцыя не магла эфэктыўна працаваць без падтрымкі большасьці ў парлямэнце. Урад Латвіі страціў бальшыню ў парлямэнце на мінулым тыдні, калі адна з партыяў пакінула кааліцыю. Прадстаўнікі гэтай партыі падтрымлівалі ідэю сьледзтва ў зьвязку з абвіначаньнямі ў карупцыі супраць Рэпшэ.