Тэгеран. Іран згодны даць адказ на абвінавачваньні ў стварэньні ядзернай зброі – але пасьля тэрміну, які вызначыў МАГАТЭ. Пра гэта гаворыцца ў сёняшняй заяве Міністэрства замежных справаў Ірану. Міжнародная агенцыя ў справах ядзернай энергетыкі патрабуе, каб Іран да 31 кастрычніка патлумачыў зьяўленьне высоканасычанага ўрану, які быў знойдзены інспэктарамі МАГАТЭ на тэрыторыі краіны. Калі такога тлумачэньня ня будзе, Рада Бясьпекі ААН можа ўвесьці санкцыі супраць Ірану.