Менск Міністэрства замежных справаў Беларусі запатрабавала, каб карэспандэнт расейскай тэлекампаніі НТВ Павал Селін пакінуў Беларусь на працягу сутак. Улады абвінавацілі яго ў непраўдзівым асьвятленьні пахаваньня Васіля Быкава. Селін у сваім рэпартажы заявіў, што ўлады перашкаджалі жалобнаму шэсьцю, палічыўшы яго маніфэстацыяй апазыцыі. Учора журналіст быў выкліканы ў МЗС Беларусі дзеля тлумачэньняў.