БАГДАД . Вайсковыя сілы ЗША у Іраку наладзілі пошук двух жаўнэраў, якія зьніклі бязь вестак на поўначы Багдаду.
Як найменей 20 амэрыканскіх жаўнэраў і 6 брытанскіх загінулі у выніку нападаў і перастрэлак цягам апошняга месяца. На поўнач ад Багдаду выбухнуты нафтавод – гэта ўжо шостая дывэрсыя цягам апошніх двух тыдняў. Вялікая Брытанія заявіла, што пасьля таго, як у аўторак у Іраку загінулі шэсьць брытанскіх вайскоўцаў, захады ў бясьпецы там стануць больш жорсткімі.
Амэрыканскае камандаваньне заявіла, што напады, падобныя учорашнім, ня прымусяць пакінуць Ірак.